EB భద్రాద్రి కొత్తగూడెం
భద్రాద్రి కొత్తగూడెం జిల్లా కోర్టు సంచలన తీర్పు వెలువరించింది. మద్యం మత్తులో అంబులెన్స్ నడిపి ప్రమాదానికి కారణమై ఇద్దరి మృతికి దారి తీసిన డ్రైవర్కు జిల్లా ప్రధాన న్యాయమూర్తి పాటిల్ వసంత్ సోమవారం **10 సంవత్సరాల జైలు శిక్ష** విధించారు.
వివరాల్లోకి వెళ్తే… భద్రాచలం పట్టణానికి చెందిన **తోట చంద్రకళ** తన కుమార్తెతో కలిసి స్కూటీపై వెళ్తుండగా, అంబులెన్స్ డ్రైవర్ **ఆకుల దుర్గాప్రసాద్** మద్యం మత్తులో వాహనం నడిపి వారిని ఢీకొట్టాడు. ఈ ప్రమాదంలో తల్లి–కూతుళ్లు అక్కడికక్కడే ప్రాణాలు కోల్పోయారు.
ఈ ఘటనపై కేసు నమోదు చేసి పోలీసులు దర్యాప్తు జరిపారు. విచారణలో డ్రైవర్ నిర్లక్ష్యంగా మరియు మద్యం మత్తులో వాహనం నడిపినట్టు నేరం రుజువు కావడంతో కోర్టు అతనికి **పదేళ్ల కారాగార శిక్ష** విధిస్తూ తీర్పు వెలువరించింది.
ఈ తీర్పు నిర్లక్ష్యంగా వాహనాలు నడిపే వారికి గట్టి హెచ్చరికగా నిలిచిందని న్యాయ వర్గాలు అభిప్రాయపడుతున్నారు.
إرسال تعليق