పినపాక, ఎన్ కౌంటర్ బులెట్ న్యూస్:
కట్టం సాయి రాఘవ జ్ఞాపకార్థం "ఐ లవ్ జానంపేట" ఆవిష్కరణ.*
ఐ లవ్ యు జానంపేట ఆవిష్కరించిన తెలంగాణ రాష్ట్ర యువజన కాంగ్రెస్ ప్రధాన కార్యదర్శి కుంజా సూర్య రామ్.
పుట్టిన ఊరిపై ప్రేమను చాటుకోవడానికి ఎన్నో మార్గాలుంటాయి. కానీ, ఆ ప్రేమను శాశ్వతంగా నిలిపే ఒక కలను స్నేహితులు, కుటుంబ సభ్యులు కలిసి సాకారం చేయడం అభినందనీయం.
జానంపేట గ్రామానికి చెందిన దివంగత శ్రీ కట్టం సాయి రాఘవ చిరకాల స్వప్నం, నేడు ఆయన మిత్రులు, కుటుంబ సభ్యులు మరియు యువ నాయకుడు కుంజ సూర్య రామ్ గారి సహకారంతో నిజమైంది. గ్రామంలో "ఐ లవ్ జానంపేట" అనే స్మారక చిహ్నాన్ని ఏర్పాటు చేసి, సాయి రాఘవకు ఘనమైన నివాళి అర్పించారు.
*స్నేహితుని ప్రేమకు ప్రతిరూపం:*
శ్రీ కట్టం సాయి రాఘవకు తన గ్రామం జానంపేట అంటే ఎనలేని ప్రేమ. తన ఊరికి ఒక ప్రత్యేక గుర్తింపు ఉండాలని, గ్రామస్తులందరూ గర్వపడేలా ఒక అందమైన సెల్ఫీ పాయింట్‌ను ఏర్పాటు చేయాలని ఆయన ఆకాంక్షించేవారు. నేడు ఆయన భౌతికంగా మన మధ్య లేకపోయినా, ఆయన ఆశయం మాత్రం స్నేహితుల రూపంలో బ్రతికే ఉంది. సాయి రాఘవ జ్ఞాపకాలను పదికాలాలపాటు పదిలంగా ఉంచాలనే సంకల్పంతో ఆయన కుటుంబ సభ్యులు, మిత్రులు ముందుకు వచ్చారు.
*యువ నాయకత్వం, పెద్దల ఆశీస్సులు:*
ఈ కార్యక్రమానికి యువ నాయకులు శ్రీ కుంజ సూర్య రామ్ గారు తన పూర్తి సహకారాన్ని అందించి, సాయి రాఘవ కలను సాకారం చేయడంలో కీలక పాత్ర పోషించారు. వారి మార్గదర్శకత్వంలో, మిత్రులంతా కలిసికట్టుగా ఈ చిహ్నాన్ని ఏర్పాటు చేశారు.
ఈ కార్యక్రమానికి
ముఖ్య అతిథిగా రాష్ట్ర మంత్రివర్యులు శ్రీమతి సీతక్క తనయులు కుంజ సూర్య రామ్ హాజరై ఈ స్మారక చిహ్నాన్ని ఆవిష్కరించిన్నారు. స్నేహానికి విలువనిచ్చి, ఊరిపై ప్రేమతో చేసిన ఈ మంచి పనిని వారు ప్రశంసించనున్నారు.
ఈ "ఐ లవ్ జానంపేట" చిహ్నం కేవలం ఒక నిర్మాణం కాదు, అది స్నేహానికి, గ్రామ ప్రేమకు మరియు ఐక్యతకు నిలువుటద్దం. కట్టం సాయి రాఘవ పేరును, గ్రామంపైన ఆయనకున్న ప్రేమను ఈ చిహ్నం ఎల్లప్పుడూ గుర్తు చేస్తూనే ఉంటుంది.
కామెంట్‌ను పోస్ట్ చేయండి