తెలంగాణలో ఇందిరమ్మ ఇళ్ల పథకానికి డిసెంబర్ 6 నుంచి లబ్దిదారుల ఎంపిక ప్రక్రియ ప్రారంభం అవుతుందని మంత్రి పొంగులేటి శ్రీనివాస్ రెడ్డి పేర్కొన్నారు. 4 దశల్లో ఒక్కో ఇంటికి రూ. 5 లక్షల ఆర్థిక సాయం నేరుగా లబ్ధిదారుడి బ్యాంకు అకౌంట్లో జమ చేస్తామని చెప్పారు. మొదటి విడతలో నివాస స్థలం ఉన్నవారికి ఇళ్లు నిర్మించి ఇస్తామని.. దివ్యాంగులు, ఒంటరి మహిళలు, వితంతువులకు ప్రాధాన్యమిస్తామన్నారు. నాలుగేళ్లలో 20 లక్షల ఇల్లు నిర్మిస్తామని పేర్కొన్నారు.
