*- అప్రమత్తంగా ఉండాలంటున్న పోలీసులు*
ఇండ్లకు తాళాలు వేసి దూర ప్రయాణాలు చేసేవారు పోలీస్ వారికి సమాచారం అందించండి
కాలనీల్లో,ఇంటి పరిసరాల్లో సీసీ కెమెరాల ఏర్పాటు శ్రేయస్కరం: జిల్లా ఎస్పీ రోహిత్ రాజు ఐపిఎస్
సంక్రాంతి పండుగ పిల్లలకు సెలవులుండటంతో చాలా మంది ప్రయాణాలు చేస్తారు.ఇదే అదనుగా దొంగలు చేతివాటం ప్రదర్శిస్తారు.ఊళ్లకు వెళ్లే వారు అప్రమత్తంగా ఉండాలని,ముందస్తుగా తగిన జాగ్రత్తలు తీసుకోవాలని జిల్లా ఎస్పీ రోహిత్ రాజు ఐపిఎస్ అన్నారు.సంక్రాంతి పండుగ దృష్ట్యా చోరీల నియంత్రణకు అన్ని చర్యలు చేపట్టామని,ప్రజలను అప్రమత్తం చేస్తున్నామన్నారు.రాత్రి వేళల్లో వీధుల్లో గస్తీని ముమ్మరం చేస్తున్నామన్నారు.ఈ విషయంలో జిల్లా పరిధిలోని ప్రజలు కూడా జాగ్రత్తలు తీసుకోవాలని ప్రజలకు అయన పలు సూచనలు చేశారు.
*సంక్రాంతికి ఊరెళ్లే వారికి పోలీసుల సూచనలు..*
-------------------------------
👉 దూర ప్రాంతాలకు వెళ్లేవారు తమ ఇంటి చిరునామా,ఫోన్ నెంబర్ను సంబంధిత పోలీసు స్టేషన్ అధికారులకు తెలపాలి.దీంతో వారి వివరాలను రిజిస్టర్లో నమోదు చేసుకుని ఊర్లెళ్లిన వారి ఇండ్ల పరిసర ప్రాంతాల్లో నిఘాను ఏర్పాటు చేస్తామని తెలిపారు.
👉 మీరు ఇంట్లో లేని సమయంలో మీ ఇంటిని గమనిస్తూ ఉండమని మీ ఇంటి దగ్గర గల మీకు నమ్మకమైన ఇరుగు పొరుగు వాళ్ళకు చెప్పడం మంచిది.
👉 జిల్లాలో పోలీసులు చాలా ప్రదేశాల్లో ఇప్పటికే సీసీ కెమెరాలను ఇన్ స్టాల్ చేశారు.తద్వారా ఎన్నో సంచలనాత్మక నేరాలను ఛేదించారు. ప్రజలు తమ కాలనీలు,ఇళ్లు,పరిసరాలు, షాపింగ్ మాళ్లలో సీసీ కెమెరాలు అమర్చుకోవాలి.
👉 విలువైన వస్తువులను స్కూటర్ డిక్కీల్లో,కారులలో పెట్టడం లాంటివి చేయకూడదు.
👉 ద్విచక్రవాహనాలు,కార్లను ఇంటి ఆవరణలోనే పార్కింగ్ చేయాలి.రోడ్లపై నిలుపరాదు.
👉 బీరువా తాళాలను ఇంట్లో ఉంచరాదు.తమతోపాటే తీసుకెళ్లాలి.
👉 ఇంటికి తాళం వేసిన తర్వాత తాళం కనబడకుండా డోర్ కర్టెన్ వేయాలి.
👉 గ్రామాలకు వెళ్లే వారు ఇంట్లో ఏదో ఒక గదిలో లైటు వేసి ఉంచాలి.
👉 పని మనుషులు ఉంటే రోజూ వాకిలి ఊడ్చమని చెప్పాలి.
👉 వీలుంటే టైమర్తో కూడిన లైట్లను ఇంట్లో అమర్చుకోవాలి.
👉 మీరు ఇంట్లో లేనప్పుడు ఇంటి ముందు చెత్త చెదారం,News Papers & పాలప్యాకెట్లు జమ కానివ్వకుండా చూడాలి.వాటిని కూడా గమనించి నేరస్తులు దొంగతనాలకు పాల్పడుతారనే విషయాన్ని గమనించండి.
👉 విలువైన వస్తువుల సమాచారాన్ని,వ్యక్తిగత ఆర్థిక విషయాలను ఇతరులకు చెప్పకూడదు.
👉 ఆరుబయట వాహనాలకు హాండిల్ లాక్తో పాటు వీల్ లాక్ వేయాలి.వాచ్ మెన్,సీసీ కెమెరాలను ఏర్పాటు చేసుకోవాలి.
👉 ఇంట్లో బంగారు నగలు,నగదు ఉంటే వాటిని బ్యాంకు లాకర్లలో భద్రపరుచుకోవడం క్షేమం.లేదా ఎక్కువ రోజులు ఊళ్లకు వెళ్లేవారు విలువైన వస్తువులను తమ వెంట తీసుకెళ్లాలి.
👉 బ్యాగుల్లో బంగారు నగలు,డబ్బు పెట్టుకొని ప్రయాణం చేస్తున్నప్పుడు బ్యాగులు దగ్గరలో పెట్టుకోవాలి.బ్యాగు బస్సులో పెట్టి కిందికి దిగితే దొంగలు అపహరిస్తారు.
👉 ఇంటి డోర్కు సెంట్రల్ లాకింగ్ సిస్టంను ఏర్పాటు చేసుకోవడం సురక్షితం.
👉 మీ ఇంట్లో అమర్చిన CC Camera లను online లో ఎప్పటికప్పుడు చూసుకుంటూ వుండాలి.మీ ఇంటికి వచ్చే,వెళ్ళే దారులు మరియు ఇంటిలోపల CC Camera లు అమర్చుకొని DVR కనపడకుండా ఇంటి లోపల రహస్య ప్రదేశం లో పెట్టుకోండి.
👉 హోమ్ సెక్యూరిటీ సిస్టం ద్వారా ఇంటర్నెట్ అనుసంధానం ఉన్న మీ మొబైల్ నుంచే మీ ఇంటిని ఎక్కడి నుంచి అయినా లైవ్/ప్రత్యక్షంగా చూసుకునే వీలుంది. ఇంటికి సంబంధించిన నాణ్యమైన సిసిటివి లు ఆన్లైన్/ మార్కెట్ లో అందుబాటులో ఉన్నాయి.హోమ్ సెక్యూరిటీ సర్వెలయన్స్ కు ఇవి ఎంతో ఉపయుక్తం.
👉 సొంత ఇల్లు అయినట్లయితే ఇంటి ప్రధాన ద్వారానికి గ్రిల్స్ అమర్చుకోవడం ద్వారా రెండంచెల భద్రతనిస్తుంది.
👉 ఇంట్లో,ఇంటి బయట మోషన్ సెన్సర్ లను ఉపయోగించడం మంచిది.ఇంటి బయట మోషన్ సెన్సర్ లైట్లను ఉపయోగించండి. ఇవి చీకటి ఉన్నప్పుడు మాత్రమే పని చేస్తాయి.సెన్సార్లు పరిసరాల్లో ఏదైనా కదలిక గుర్తించగానే లైట్ వెలుగుతుంది.
👉 సాధారణంగా సరైన భద్రతా ప్రమాణాలు పాటించని ఇండ్లు,చీకటి ప్రదేశం, పాత గ్రిల్స్, బలహీనమైన తాళాలు ఉన్న ఇండ్లలో దొంగలు పడే అవకాశాలు ఎక్కువగా ఉంటాయి.ఈ క్రమంలో ప్రజలు అప్రమత్తంగా ఉండి, కొత్త వ్యక్తుల కదలికలపై ప్రత్యేక దృష్టి సారించాలి.
👉 ప్రజలు తమ ప్రాంతంలో గస్తీ ఏర్పాటుకు సహకరించాలి.పోలీసు స్టేషన్ నెంబర్,వీధుల్లో వచ్చే బీట్ కానిస్టేబుల్ ఫోన్ నెంబర్ దగ్గర పెట్టుకోవాలి.ప్రజలు నిరంతరం పోలీసులతో సమన్వయంగా సహకరిస్తే చోరీలను నియంత్రించడం చాలా సులభం.
👉 అనుమానిత వ్యక్తుల కదలికలను గమనించి, పోలీసులకు సమాచారం ఇవ్వాలి.
👉 ఇళ్లకు తాళాలు వేసి దూర ప్రాంతాలకు వెళ్లేటప్పుడు స్థానిక పోలీస్స్టేషన్కు సమాచారం అందించాలి.
👉 కాలనీవాళ్లు కమిటీలు వేసుకొని వాచ్మెన్లను,సీసీ కెమెరాలను ఏర్పాటు చేసుకకోవాలి.
👉 రాత్రి సమయంలో కొత్తవారు ఎవరైనా వచ్చినా వారి వివరాలు తెలుసుకుని రిజిస్టర్లో నమోదు చేసుకోవడం మంచిదని అపార్టుమెంట్ వాచ్మెన్లకు తెలపాలి.
👉 ఎప్పుడు కూడా స్థానిక పోలీసు స్టేషన్ నెంబర్ దగ్గరుంచుకోవడం మంచిది.
👉 సోషల్ మిడియాలో మీరు బయటికి వెళ్ళే విషయాన్ని ఇతరులకు షేర్ చేయడము మంచిది కాదు.
👉 కాలనీల్లో దొంగతనాల నివారణకు స్వచ్ఛందంగా కమిటీలను నిర్వహించుకోవాలి.ఈ కమిటీ సభ్యులు ఎప్పటికప్పుడు పోలీసులకు అందుబాటులో ఉంటూ అనుమానాస్పద, కొత్త వ్యక్తుల కదలికలపై డయల్ 100 నకు ఫోన్ చేసి సమాచారం అందించాలి.
